ГККП Ясли-сад №40

Оқу қызметінің конспектісі ортаңғы "Б" тобы

Anubis — Thu, 30 May 2019 15:40:25 GMT

Ортаңғы «Б» тобындағы ұйымдастырылған оқу қызметінің конспектісі

Өткізу күні: 15.03.2019ж

Тәрбиеші: Данибекова К.Г

Білім беру саласы:Таным, Коммуникация

Пән: ҚМҰҚ, Құрастыру, Драма.

Өтпелі тақырып: «Нұр себеле, Ұлыстың ұлы күні»

Тақырыбы: «Театрға билет»

Мақсаты: Ертегіні сахналау арқылы балалардың тіл байлығын, ой-қиялын дамыта отырып, рөлге кіруін арттыру.

1.Тәрбиелік: Бір-біріне сыйластықпен және қамқорлықпен қарым-қатынас жасауға тәрбиелеу.

2.Дамытушылық: 5-ке дейін тура және кері санауды жетілдіру. Әртүрлі ою-өрнектерді схема бойынша құрастыру.

3.Оқыту: Ертегі желісін ретімен орындау және интонацияны дұрыс шығару, негізгі сезімді жеткізе білуді қалыптастыру.

технологиялар: Денсаулық сақтау,ойындар,жеке тұспалдау,ақпараттық-коммуникативті технологиялары. Ресурстармен қамтамасыз ету: Сандар, асық,интерактивті тақта,кейіпкерлердің костюмі,жастық,көрпе,қамшы,ат,билет.
компонент:бір-один, екі-два, үш-три,төрт-четыре, бес-пять.

Ұйымдастырылған оқу қызметінің барысы:

Ұйымдастырушылық кезең: Шаттық шеңбер:

Достарымның барлығын,

Сыйлап,жақсы көремін.

Алақаным арқылы

Жылуымды беремін.

(Балалар шеңберге тұрып, шаттық шеңберін жасайды.)

-Балалар сендер театр түрлерін білесіңдер ме? (Біз театр түрлерін білеміз)

-Онда экранға назар аударайық.

-Бұл қандай театр? (Бұл саусақ театры).

-Неге бұл саусақ театры деп аталады?( Өйткені, біз саусақпен ойнаймыз).

-Бұл қандай театр?(Бұл қуыршақ театры)

-Неге бұл қуыршақ театры? (Өйткені, біз қуыршақпен ойнаймыз)

-Бұл қандай театр? (Бұл сурет театры)

-Неге бұл сурет театры? (Өйткені, біз сурет арқылы ойнаймыз.)

-Балалар сендер театрға барғыларын келе ме? (Иә, театрға барғымыз келеді)

Балалар менде театрға билет бар.

-Балалар театрға бару үшін сендер бірнеше тапсырмалар орындауларын керек.Тапсырмаларды орындап болғаннан кейін мен сендерге театрға билет беремін.

Негізгі бөлімі:

-Балалар сендер тапсырмаларды орындауға дайынсындар ма? (Иә, дайынбыз)

Ендеше 1-ші тапсырмаға назар аударайық.Балалар сендердің алдарында асықтар тұр.Асықтарда сандар жазылған.Сендер асықтағы сандарды рет-ретімен қоюларын керек.

1-тапсырма:

«Асықтарды рет-ретімен қой» (Балалар асықтарды рет-ретімен қойып, тура және кері санайды)

Мақсаты: Балаларды сандарды дұрыс рет-ретімен қоюға және тура,кері санауды жетілдіру.

-Аягөз сандарды тура санай қойшы. (Аягөз сандарды тура санайды)

-Әділ сандарды кері санай қойшы.(Әділ сандарды кері санайды)

-Жарайсыңдар,балалар!Ендеше келесі тапсырмаға назар аударайық.Бұл тапсырмада кубиктерден схема бойынша ою-өрнек құрастыру және ою-өрнекті атау.

2-тапсырма: «Кубиктерден ою-өрнек құрастыру» (Балалар схема бойынша кубиктерден ою-өрнекті құрастырады және атайды.)

Мақсаты: Кубиктерден схема бойынша дұрыс құрастыруды жалғастыру.

-Дильназ сен қандай ою-өрнек құрастырдын?(Мен кемпірқосақ оюын құрастырдым).

-Махаббат сен қандай ою-өрнек құрастырдын?(Мен тышқанізі оюын құрастырдым).

-Балалар сендер шаршаған шығарсыңдар.Ендеше, денемізді шынықтырып алу үшін сергіту сәтін жасайық.

Сергіту сәті: «Қара жорға» (Балалар жарты шеңберге тұрып, сергіту сәтін жасайды)

3-тапсырма: «Кейіпкерлерді дұрыс сана» (Балалар экран арқылы ертегі кейіпкерлерін санап, тиісті санды қояды және атайды)

-Алишер сен неге бұл ертегіге 3 санын қойдын?(Өйткені, бұл ертегіде 3 кейіпкер бар).

-Аруна сен неге бұл ертегіге 4 санын қойдын?(Өйткені, бұл ертегіде 4 кейіпкер бар).

-Жарайсыңдар, балалар!Сендер барлық тапсырмаларды өте жақсы орындадыңдар.Мен сендерге театрға билет беремін.

(Балаларға театрға билет таратып беру және театрға апару.).

-Балалар біз театрда өзімізді қалай ұстауымыз керек?(Театрда тыныш отыру керек,жүгіруге, жүруге және ойнауға болмайды).

Дұрыс айтасыңдар, балалар!Ендеше,ертегімізді бастаймыз.Ертегі «Алдар көсе мен бай» туралы.Бәріміз мұқият тыңдаймыз.Ертегімізді бастамас бұрыне тақпақты тындаймыз.

Айым тақпақ:

Алдар көсе ертегісін

Сіздерге сыр шертемін.

Ертегінің ең қызығын

Сахнаға енгіземін.

Баяндайын көріндер

Өз бағасын беріндер.

4-тапсырма: «Алдар көсе мен бай» ертегісін сахналау» (Балалар ертегіні сахналайды.Ертегіні сахналап болғаннан кейін, ертегі кейіпкерлері көрермендерге бас иеді).

Қорытынды: -Қандай тапсырмаларды орындадық?

-Қандай ертегіні сахналадық?

-Алдар көсе қандай?

-Бай қандай?

Балаларды мадақтау.

Қорытынды оқу қызметінің конспектісі ортаңғы "Б" тобы

Anubis — Thu, 30 May 2019 15:35:23 GMT

Ортаңғы «Б» тобындағы қорытынды оқу қызметінің конспектісі

Өткізу күні: 15.05.2019ж

Тәрбиеші: Керибаева М.Т, Данибекова К.Г

Білім беру саласы: Коммуникация, Таным, Шығармашылық ,Әлеуметтік орта

Пән: Сөйлеуді дамыту, Драма, ҚМҰҚ, Сурет салу, Экология негіздері.

Өтпелі тақырып: «Тірі және өлі табиғат»

Тақырыбы: «Бәйшешектің достары»

Мақсаты: Схема бойынша сөйлем құрастыру. Биіктігі бойынша заттарды орналастыру.

1.Тәрбиелік: Табиғатқа қамқорлық жасауға тәрбиелеу.

2.Дамытушылық: 5-ке дейін тура және кері санауын, қанша? деген сұраққа жауап беруін жетілдіру. Ертегіні сахналау арқылы балалардың тіл байлығын, ой-қиялын дамыта отырып, рөлге кіруін арттыру. Сурет салуға қызығушылықтарын арттыру.

3.Оқыту: Ертегі желісін ретімен орындау және интонацияны дұрыс шығару, негізгі сезімді жеткізе білуді қалыптастыру.Көктемгі өсімдік туралы білімдерін қалыптастыру.

технологиялар: Денсаулық сақтау,ойындар,жеке тұлғаға бағытталған технологиялар. Ресурстармен қамтамасыз ету: Сандар, гүлдер, схемалар,карточкалар,ақ қағаз,түрлі-түсті бояу,қылқалам,суқұйғыш,майлық,үлгі сурет.

Билингвальдық компонент: қызғалдақ-тюльпан.

Ұйымдастырылған оқу қызметінің барысы:

Ұйымдастырушылық кезең:

Балалар қараңдаршы мына гүлдер ашылмаған.Өйткені, гүлдерді зұлым күштер сиқырлап тастапты.

Не істейміз?(зұлым күштерді көзін құртайық, гүлдерге көмектесейік, көмекке дәрігерді шақырайық)

Негізгі бөлімі:

-Балалар гүлдерге көмектесетін бір жол бар.Бізге бірнеше тапсырмаларды орындау керек.

1-тапсырма: Жұмбақ жасыру:

Осы гүлдің отаны –
Қазақтың кең даласы
Көктемде дала құлпырып
Қып - қызыл болар қарашы.
(қызғалдақ )

2-тапсырма: «Гүлдерді санап бер» (тура және кері санау)

3-тапсырма: «Гүлдерді биіктігі бойынша орналастыр» (ең биік,биік,аласа,төмен,өте төмен)

Сергіту сәті: «Қызғалдақ гүлі»

Гүлдеріміз қызғалдақ

Ашылды әдемі-ақ.

Желмен бірге шайқалып,

Мұрынға жақын апарып,

Бір иіскейік тамсана

Хош иісі тамаша!

4-тапсырма: «Схема бойынша сөйлем құрастыр» (Гүл,күн,су)

5-тапсырма: Гүл туралы ертегі сахналау.

6-тапсырма:Қызғалдақ гүлін суреттеу.

Балаларды мадақтау.

Қорытынды: -Қандай гүл туралы әңгімеледік?

–Бүгін сендерге не ұнады?

-Қандай тапсырмаларды орындадық?

-Қандай ертегіні сахналадық?

Мероприятие в рамках программы "Рухани Жаңғыру"

Anubis — Thu, 24 May 2018 05:45:05 GMT

Мероприятие в рамках программы "Рухани Жаңғыру" Знакомство детей с культурой и традициями народов мира

Anubis — Thu, 24 May 2018 05:29:31 GMT

Мероприятие в рамках программы "Рухани Жаңғыру" Знакомство детей с культурой и традициями народов мира

Рухани жаңғыру бағдарламасы аясындағы іс-шара

Anubis — Thu, 24 May 2018 05:23:49 GMT

Рухани жаңғыру бағдарламасы аясындағы іс-шара

Anubis — Thu, 24 May 2018 05:21:32 GMT

Рухани жаңғыру бағдарламасы аясындағы іс-шара

Anubis — Thu, 24 May 2018 05:16:36 GMT

Рухани жаңғыру бағдарламасы аясындағы іс-шара