І кіші Б тобындағы ұйымдастырылған оқу қызметінің конспектісі
Өткізу күні: 06.12.2018.
Мұғалім: Камалова А.С.
Білім беру саласы: Коммуникация
Пән: көркем әдебиет
Өтпелі тақырып: Ғажайып қыс!
Тақырыбы: «Үйшік» ертегісі
Мақсаттары: Балаларды ертегінің мазмұның түсініп, ертегіге деген қызығушылығын арттырып, рөлдеп ойнауға дағдыландыру. Кейіпкерлердің бейнесін ойындарда қарапайым түрде бейнелеуге тәрбиелеу.
Педагогикалық технологиялар: денсаулық сақтау және ынталандыру, ойын технология.
Билингвальді компонент: үйшік-теремок
Ұйымдастырылған оқу қызметінің барысы
- Ұйымдастырышылық кезеңі:
- Балалар, біз бүгін сендер мен үйшік ертегісімен танысамыз.
- Негізгі бөлім:
Жазық далада бір үйшік тұр. Шиқылдауық тышқан тоқтай қалып сұрайды:
— Үйшік-үйшік! Кім үйшікте тұрады?
Ешкім үн қатпады. Тышқан үйшікке кіріп өмір сүреді. Бақылдап бақа келеді:
— Үйшік-үйшік! Кім үйшікте тұрады?
— Мен, шиқылдауық тышқанмын.
— Ал мен, бақылдаған бақамын.
— Кел, бірге тұрайық! — деп бақа мен тышқан үйшікте бірге өмір сүреді. Секеңдеп қоян келеді. Тоқтай қалып сұрайды:
— Үйшік-үйшік! Кім үйшікте тұрады?
— Мен, шиқылдауық тышқанмын.
— Мен,..бақылдаған бақамын.
— Ал сен кімсің?
— Мен, секеңдеген қоянмын.
— Кел, бізбен тұр!
Енді олар үшеуі үйшікте тұрады. Терезені түлкішек-әпке тоқылдатады:
— Үйшік-үйшік! Кім үйшікте тұрады?
— Мен, шиқылдауық тышқанмын.
— Мен, бақылдаған бақамын.
— Мен, секеңдеген қоянмын.
— Ал сен кімсің?
— Мен түлкішек-әпкемін.
— Кел, бізбен тұр!
Енді олар төртеу болады.
Жүгіріп келіп есіктен сұр қасқыр сұрайды:
— Үйшік-үйшік! Кім үйшікте тұрады?
— Мен, шиқылдауық тышқанмын.
— Мен, бақылдаған бақамын.
— Мен, секеңдеген қоянмын.
— Мен, түлкішек-әпкемін.
— Ал сен кімсің?
— Мен, сұр қасқырмын.
— Кел, бізбен тұр! Енді олар бесеу болады. Барлығы көңілді өмір сүріпті, ән айтыпты.
Бір күні қорбаңдаған аю үйшіктен шыққан дауыстарды естіп,тоқтап айқайға салады:
— Үйшік-үйшік! Кім үйшікте тұрады?
— Мен, шиқылдауық тышқанмын.
— Мен, бақылдаған бақамын.
— Мен, секеңдеген қоянмын.
— Мен, түлкішек-әпкемін.
— Мен, сұр қасқырмын.
— Ал сен кімсің?
— Мен, қорбаңдаған аюмын.
— Кел, бізге!
Аю кірейін-кірейін деп, кіре алмайды.
— Мен, шатырда тұрайын.
— Бізді басып қаласың.
— Жоқ, қорықпаңдар.
— Жарайды, шық.
Аю отыра қалғанда үй: «тарс» — етіп құлады.
Үйшіктен аман-есен: тышқан, бақа, қоян, түлкі, қасқыр қашып шықты. Барлығы бірігіп бөрене тасып, тақтай аралап үлкен үй салуға кірісті. Үйшіктері үлкен, биік, әдемі болып шықты!
- Қорытынды:
- Балалар, ертегі ұнады ма?
- Қандай аңдар тұратын болды?
- Жарайсыңдар, балалар!
|